உலவிகளுக்கான போரில் கூகுள் குரோம் வெல்ல காரணம் அடிக்கடி வெளியிடப்படும் புதிய வசதிகள். இதற்க்கு முன் இணைய பக்கங்களை PDF கோப்பாக மாற்ற சில நீட்சிகள் மற்றும் இணையதளங்களின் உதவியை நாட வேண்டி இருந்தது. ஆனால் கூகுள் குரோம் பயனர்கள் எந்த நீட்சியின் உதவியின்றி சுலபமாக இணைய பக்கங்களை PDF கோப்பாக தங்களுடைய கணினியில் பதிவிறக்கம் செய்து கொள்ளலாம். அதற்க்கான வழிமுறையை கீழே பார்ப்போம்.
இணைய பக்கங்களை PDF கோப்பாக சேமிக்க
- முதலில் குரோம் உலவியில் நீங்கள் PDF கோப்பாக மாற்ற இருக்கும் இணைய பக்கத்தை திறந்து கொள்ளுங்கள்.
- அடுத்து CTRL + P என்பதை ஒருசேர அழுத்துங்கள்.
- உங்களுக்கு Print Dialogue விண்டோ வந்திருக்கும் அதில் Destination பகுதியில் Save as PDF என்று இருக்கிறதா என பார்த்து கொள்ளவும். இல்லை என்றால் Change பட்டனை அழுத்தி Save as PDF வசதியை தேர்வு செய்து கொள்ளவும்.
- இப்பொழுது மேலே உள்ள படத்தில் அம்பு குறியிட்டு காட்டியிருக்கும் Save பட்டன் மீது கிளிக் செய்தால் அந்த இணையப்பக்கம் PDF பைலாக உங்கள் கணினியில் சேமிக்கப்படும்.
இணைய பக்கங்களை கூகிள் ட்ரைவ்-இல் சேமிக்க
- முதலில் குரோம் உலவியில் நீங்கள்கூகிள் ட்ரைவ்-இல் சேமிக்க இருக்கும் இணைய பக்கத்தை திறந்து கொள்ளுங்கள்.
- அடுத்து CTRL + P என்பதை ஒருசேர அழுத்துங்கள்.
- உங்களுக்கு Print Dialogue விண்டோ வந்திருக்கும் அதில் Destination பகுதியில் Save To Google Drive என்று இருக்கிறதா என பார்த்து கொள்ளவும். இல்லை என்றால் Change பட்டனை அழுத்தி Save To Google Drive வசதியை தேர்வு செய்து கொள்ளவும்.
இனி எந்த நீட்சியின் உதவியுமின்றி குரோமில் இணைய பக்கங்களை PDF கோப்பாக அல்லது கூகிள் ட்ரைவ்-இல் சேமித்து கொள்ளுங்கள்.
குறிப்பு: மேலே கூற மறந்து விட்டேன் இந்த வசதி குரோமின் புதிய பதிப்புகளில் (Latest version) மட்டுமே உள்ளது. பழைய பதிப்பை உபயோகித்து கொண்டிருந்தால் இந்த லிங்கில் சென்று புதிய பதிப்பை பதிவிறக்கம் செய்து கொள்ளுங்கள்.
கருத்துகள் இல்லை:
கருத்துரையிடுக